| dc.description.abstract | Forord. Denne rapporten presenterer eit rammeverk for klimatilpassing av bygningar. Rammeverket er meint å framheve myndigheitskrava til klimatilpassing, å vise til verktøy som kan vere til nytte for å verifisere at valte løysningar held, samt å presentere ei systematisk tenking for handtering av klimatilpassing. Rammeverket er fysisk vinkla og seier ikkje noko om prosess, organisering og samhandling.
Rammeverket er eit resultat av ein kontinuerleg aktivitet gjennom heile den åtte år lange prosjektperioden til Klima 2050. Temasamlingane oppsummerte i Klima 2050 Note 5, 22, 62, 76 og 127 har alle vore sentrale i utviklinga av rammeverket. Utviklinga har også nytt godt av Norgeshus sitt IPN-prosjekt Verktøykasse for klimatilpasning av boliger og masteroppgåvene til Torun Krangsås Vikan (Vikan 2016) og Julie Sandli Danbolt (Danbolt, 2018). Den grunnleggande rammeverksidéen vart presentert og diskutert i ein internasjonal vitskapeleg konferanse av Lisø et al. (2017). Alle tilbakemeldingar i prosessen har vore svært nyttige i utviklinga av rammeverket.
Klima 2050 – Reduksjon av samfunnsrisiko forbundet med klimaendringar på det bygde miljø er eit senter for forskingsbasert innovasjon (SFI) finansiert av Norges forskningsråd og partnerane i konsortiet. SFI-statusen gjer langsiktig forsking i nært samarbeid med privat og offentleg sektor mogleg, samt med andre forskingspartnarar som har som mål å styrke Norges innovasjons- og konkurranseevne innan klimatilpassing. Samansettinga av konsortiet er viktig for å kunne redusere samfunnsrisikoen forbundet med klimaendringar.
Senteret vil styrke bedriftene sin innovasjonskapasitet gjennom fokus på langsiktig forsking. Det er også eit klart mål å legge til rette for tett samarbeid mellom FoU-aktive bedrifter og framifrå forskingsgrupper. Det blir lagt vekt på utvikling av fuktbestandige bygningar, overvannshandtering, blågrøne løysingar, tiltak for førebygging av vannutløyste skred, sosioøkonomiske insentiv og beslutningsprosessar. Både ekstremvêr og gradvise endringar i klimaet blir sett på.
Vertsinstitusjonen for SFI Klima 2050 er SINTEF Community, og senteret blir leia i samarbeid med NTNU. Dei andre forskingspartnerane er Handelshøyskolen BI, Norges Geotekniske Institutt (NGI) og Meteorologisk institutt (MET Norge).
Industripartnerane representerer viktige delar av norsk byggenæring; rådgivarar, entreprenørar og produsentar av byggevarer og teknologi: Skanska Norge, Multiconsult ASA, Mesterhus, Norgeshus AS, Leca Norge AS, Isola AS og Skjæveland Gruppen AS. Senteret inkluderer også viktige offentlege byggherrar og eigedomsutviklarar: Statsbygg, Statens vegvesen, Jernbanedirektoratet og Avinor AS. Sentrale aktørar er også Trondheim kommune, Norges vassdrags- og energidirektorat (NVE) og Finans Norge.
Ein spesiell takk til Norgeshus i utviklinga av risikovurderingsoversikta presentert i rapporten og til Julie Sandli Danbolt som i si masteroppgåve (Danbolt, 2018) kartla relevante og nyttige hjelpemiddel ved prosjektering av klimatilpassa bygningar. | en_US |
